Հայաստանը կավելացնի Լեռնային Ղարաբաղի բյուջետային վարկը: Համապատասխան որոշումն ընդունվել է ՀՀ Կառավարության հոկտեմբերի 27-ի նիստում:

Ավելի վաղ՝ 2015 թվականի դեկտեմբերին ընդունված որոշման համաձայն, 2016 թվականի համար ԼՂՀ-ն 47 մլրդ 267 մլն դրամ է ստացել (ընթացիկ փոխարժեքով՝ շուրջ 100 մլն դոլար): Բյուջեի ծախսերը ծածկելու համար լրացուցիչ ֆինանսավորման մասին ԼՂՀ վարչապետի խնդրանքի հիման վրա Հայաստանը եւս 3 մլրդ 303.5 մլն դրամ կհատկացնի: