Երուսաղեմում Տիրոջ գերեզմանի տաճարում Հիսուս Քրիստոսի դամբարանը վերականգնող գիտնականները մի քանի դարերի ընթացքում առաջին անգամ մարմարե պաշտպանիչ սալաքարը հանել են այն քարի վրայից, որի վրա դրված է եղել Քրիստոսի մարմինը: National Geographic ամսագիրը հայտնում է, որ գիտնականները կհետազոտեն քարի մակերեւույթը, այն կարող են տեսնել նաեւ ուխտավորները:
«Մարմարե երեսապատումը հանվել է, եւ մենք զարմացանք՝ դրա տակ մեծաքանակ տեղեկատվություն տեսնելով: Կիրականացվի երկարատեւ գիտական վերլուծություն, բայց մենք վերջապես կկարողանանք տեսնել բնօրինակ քարի մակերեւույթը, որ վրա, ըստ ավանդության, դրված է եղել Քրիստոսի մարմինը»,- ասել է Ազգային աշխարհագրական միության հնագետ Ֆրեդերիկ Հիբերտը:
Մասնագետների խոսքով՝ այժմ ընթանում է գերեզմանի վերականգնման կարեւոր փուլը: «Այս եզակի հուշարձանն ուսումնասիրելու մեր օգտագործած մեթոդները աշխարհին մեր ստացած արդյունքներին այնպես կտեղեկացնեն, ասես մարդիկ իրենք գտնվել են Քրիստոսի գերեզմանում»,- ասել է գիտնականներից մեկը:
Վերականգնումն իրականացնում են Աթենքի Ազգային տեխնիկական համալսարանի մասնագետները եւ Հայաստանի փորձագետները: Աշխատանքները ֆինանսավորում են սրբավայրի նկատմամբ իրավունք ունեցող Ուղղափառ, Կաթոլիկ եւ Հայ առաքելական եկեղեցիները: