Սաուդյան Արաբիան թույլ չի տա ալկոհոլ տեղափոխող կոնտեյներատար նավերին մուտք գործել կամ կայանել իր նավահանգիստներում։ Այս մասին ասել է Սաուդյան Արաբիայի նավահանգիստների գլխավոր կառավարման ներկայացուցիչ Մուսաիդ ադ Դրեյսը, փոխանցում է «ՌԻԱ Նովոստի»–ն։
«Սաուդյան Արաբիան գործում է իսլամական շարիաթի իրավունքի հիման վրա, որը նման բան թույլ չի տալիս»,– ասել է նա։
Անդրադառնալով հարցին, թե այդ քայլը համապատասխանում է արդյոք միջազգային առեւտրի եւ Արեւելքը Արեւմուտքին կապելու փորձերի հետ, Ադ Դրեյսը նշել է, որ թագավորության առանձնահատկությունները դրանից վեր են։
