Mercedes-Benz–ը ստեղծել է իր պատմության մեջ առաջին պիկապը։ X-Class մոդելը դեռեւս կոնցեպտ մեքենայի կարգավիճակ ունի, սերիական արտադրությունը պլանավորվում է սկսել 2017-ին, հայտնում է Luxurylaunches–ը։
Մեքենան կունենա դիզելի եւ բենզինի 6-մխոցանի շարժիչներ եւ կունենա անվտանգության նույն համակարգերը, որոնք գործում են ապրանքանիշի սեդանների վրա։
Մեքենան ներկայացված է 2 տարբերակով՝ stylish explorer եւ powerful adventurer, համապատասխանաբար սպիտակ եւ դեղին։
Mercedes-Benz–ի նորամուծություններից մեկը կոնցեպտ քրոսովերն է՝ Generation EQ էլեկտրական շարժիչով։ Մեքենան 2016-ի սեպտեմբերին ցուցադրել էին Փարիզի ավտոսրահում։