Ամերիկուհի ճանապարհորդ Կասանդրա Դե Պեկոլը 15 ամիսների ընթացքում 180 երկիր է այցելել։ Նա պլանավորում է համաշխարհային ռեկորդ սահմանել՝ դառնալով ամենասուղ ժամկետում ՄԱԿ պետություններն այցելած առաջին կինը, գրում է Daily Mail–ը։
Քոնեքթիքութի բնակիչը սկսել էր աշխարհով շրջել 2015-ի հուլիսից։ Այս ընթացքում նա ավելի քան 250 թռիչք է իրականացրել։ Ամերիկուհին մտադիր է լինել ՄԱԿ անդամ բոլոր 193 երկրներում եւ 3 մասամբ ճանաչված պետություններում՝ Չինական Հանրապետությունում (Թայվան), Կոսովոյում, Պաղեստինում։ Միջինում մեկ երկրի այցելելու համար նա ծախսում է 2-5 օր։
Այս ընթացքում նա ծախսել է մոտ 198 հազար դոլար։ Այս շրջանում ամերիկուհին նաեւ այլ անձանցից է ֆինանսավորում ստացել։