ՀԾԿՀ–ն դեռեւս աղբյուրներ չի գտել բնակչության անապահով խմբերի համար էլեկտրաէներգիայի եւ գազի սակագնի իջեցման համար։ Այս մասին հոկտեմբերի 27-ին խորհրդարանում լրագրողներին ասել է ՀԾԿՀ նախագահ Ռոբերտ Նազարյանը։
Դեռեւս պարզ չէ, թե ինչի հաշվին են նվազելու սակագները, այդ աղբյուրները չէր նշել նաեւ վարչապետը։ «Դեռեւս պարզ չէ, թե ինչ ռեսուրսներ մենք կարող ենք տնօրինել, անհասկանալի է, թե որքան կարող ենք իջեցնել»,– ասել է Նազարյանը։
Նազարյանի խոսքով՝ ինքը նման աղբյուր է համարում 2016-ի ապրիլին սահմանին գզի գինը 165 դոլարից 150 իջեցնելը։ Հարցին, թե նա կքննարկի հարցը Հայաստան ժամանած՝ «Գազպրոմի» ղեկավար Ալեքսեյ Միլլերի հետ, Նազարյանը պատասխանեց, որ ինքը այցի մանրամասների մասին տեղեկություններ չունի։