Առաջիկա 1-2 տարում Հայաստանում նոր հողմային էլեկտրակայանի շինարարություն չի սպասվում։ Այս մասին հոկտեմբերի 27-ին խորհրդարանում ասել է էներգետիկ ենթակառուցվածքների եւ բնական պաշարների փոխնախարար Արեգ Գալստյանը։
Նա հիշեցրեց, որ 2000-ական թվականների կեսին ընկերություններից մեկը սկսել է Կարախաչի լեռնանցքում հողմային էներգիայի ուսումնասիրությունը։ Ընկերությունը մի քանի տարի չափում էր քամու ուժգնությունը, սակայն հետո պարզվեց, որ դրա մեթոդները հնացել են։ Քամու ուժը պետք է չափել 80 մ բարձրության վրա։
Գալստյանի վստահեցմամբ՝ Հայաստանն անում է հնարավոր ամեն բան ներդրողներ գրավելու համար։ 2014–ից Կառավարությունը պատրաստ է արդեն ոչ թե 15, այլ 20 տարով երաշխավորված էլեկտրաէներգիա գնել հողմային կայաններից։ «Աշխարհում նման ժամկետներ ուրիշ ոչ մի երկրում չկան։ Այնպես որ խթանը բավականին մեծ է»,– ասել է փոխնախարարը։
