Հայաստանում ջրամատակարարման միասնական օպերատոր է դարձել ֆրանսիական Veolia ընկերությունը։ Այս մասին հոկտեմբերի 27-ին խորհրդարանում ասել է ՀԾԿՀ նախագահ Ռոբերտ Նազարյանը։

Ընկերությունը վարձակալման համար կընտրի այն ցանցերը, որոնք դեռեւս վարձակալում է «Երեւան ջուրը» («Veolia»–ի դուստր ընկերություն), «Հայջրմուղը», «Շիրակ ջրմուղկոյուղին», «Լոռի ջրմուղկոյուղին», «Նոր ակունքը»։

Օպերատորը կաշխատի 15 տարի՝ սկսած 2017 թվականից, եւ ամեն տարի սակագները պետք է ձեւավորվեն՝ ելնելով փոխարժեքից, էլեկտրաէներգիայի սակագներից եւ այլ գործոններից։ «Շուտով կհայտարարվի միասնական սակագին։ Այսօր Կառավարության միջգերատեսչական հանձնաժողովը հաստատել է ցանցի վարձակալողին։ Հաստատվել է եւ սակագինը, որը շուտով կհայտարարվի»,– ասել է Նազարյանը։