Բժիշկ սեքսոլոգներն ՌԴ Կրթության ու գիտության նախարարությանն առաջարկել են ֆիզկուլտուրայի դասաժամին դպրոցականներին արգելել ճոպան մագլցել, այս մասին հայտնում է քաղաքային նորությունների «Մոսկվա» գործակալությունը՝ վկայակոչելով Բժիշկ սեքսոլոգների միավորման նախագահ Եվգենի Կուլգավչուկին։
Նրա խոսքով առաջարկը քննարկվել է բժիշկ սեքսոլոգների գիտաժողովի ժամանակ։ «Այդ վարժությունը նպաստում է հոգեսեռական զարգացման խեղաթյուրմանը ու ավելի մեծ տարիքում կանանց մոտ սեռական խնդիրների առաջացմանը»,- պարզաբանել է փորձագետը։ Նա հավելել է, ո մյուս բժիշկները նույնպես իրենց պրակտիկայում բախվել են նույն խնդրին։
Կուլգավչուկի խոսքով մասնագետները իրենց առաջարկն ուղարկել են Կրթության ու գիտության նախարարություն։