ՌԴ նախագահ Վլադիմիր Պուտինը համարում է, որ դեռ չի եկել թոշակի անցնելու ժամանակը։ Այս մասին նա հայտնել է «Վալդայ» միջազգային բանավեճային ակումբի նիստի ժամանակ, փոխանցում է ՏԱՍՍ—ը։
«Հարգելի մոդերատորը ինձ մաղթեց բարեհաջող կերպով թոշակի անցնել, ես էլ եմ ինքս ինձ նույնը մաղթում, երբ կգա ժամանակը։ Դա շատ ճիշտ է, դա պետք է անել, բայց առայժմ ես թոշակի չեմ անցել, ես մեծ տերության գործող ղեկավարն եմ ու պետք է զուսպ լինեմ եւ իմ արտահայտություններում ավելորդ ագրեսիվություն չդրսեւորեմ»,- ասել է Պուտինը։ Նրա խոսքով ագրեսիվությունն իր ոճը չէ։
