Իսպանիայի խորհրդարանը քվեարկության առաջին փուլի ընթացքում Իսպանիայի վարչապետի պաշտոնում չի հաստատել Ժողովրդական կուսակցության առաջնորդ Մարիանո Ռահոյին, հայտնում է El Mundo թերթը։
Նրա տվյալներով, 170 պատգամավոր կողմ է քվեարկել Ռահոյի թեկնածությանը, 180-ը՝ դեմ։ Առաջին փուլում հաղթելու համար Ռահոյին պետք էր ստանալ խորհրդարանականների ձայների բացարձակ մեծամասնությունը՝ 176-ը 350-ից։
Քվեարկության երկրորդ փուլը ծրագրված է շաբաթ՝ հոկտեմբերի 29-ին։ Դրանում հաղթելու համար անհրաժեշտ է ստանալ հասարակ մեծամասնություն։