Կարելի է երկարացնել հազարավոր ընտանի շների կյանքը, եթե նրանց տրվի պիմոբենդան դեղը: Guardian-ի փոխանցմամբ՝ այսպիսի եզրակացության են հանգել Անասնաբուժական թագավորական քոլեջի (Մեծ Բրիտանիա) հետազոտողները:
Վիճակագրության համաձայն՝ Բրիտանիայում գրեթե 250 հազար ընտանի շներ տառապում են միտրալ փականի արատով, որը նկատվում է յուրաքանչյուր 12-րդ շան մոտ:
Այս հիվանդությանն ավելի շատ ենթակա են փոքր չափերի շները, ինչպիսին են քինգ չարլզ սփանիելները, տաքսաները, պուդելները եւ տերիերները, որոնք ամենից հաճախ այս հիվանդութնունից են սատկում: Անասնաբույժների իրականացրած հետազոտությամբ պարզվել է, որ պիմոբենդանի ընդունումը այս արատի զարգացումը դանդաղեցնում է մոտ 15 ամսով, որը համարժեք է մարդկանց կյանքի տեւողության 8-9 տարիներին: Գիտնականների խոսքով՝ այս դեղամիջոցի ժամանակին ընդունումը թույլ կտա երկարացնել ամբողջ աշխարհի միլիոնավոր շների կյանքի տեւողությունը: