Հայաստանի մշակույթի նախարարությունը ծրագրում է 2017 թվականին 4 հուշարձան վերանորոգել: Այս մասին հոկտեմբերի 28-ին Երեւանում անցկացվող «Welcome to Armenia» զբոսաշրջային համաժողովի ընթացքում հայտարարել է նախարար Արմեն Ամիրյանը:
Նրա խոսքով՝ հարկավոր է ոչ միայն կարգի բերել հենց հուշարձանները, այլեւ բարեկարգել դրանց հարակից տարածքները:
«Այդպիսով մենք կկարողանանք ավելի շատ հյուրերի գրավել Հայաստան, ինչպես նաեւ երեւանցիներին՝ մարզեր, որտեղ գտնվում է մեր տաճարների մեծ մասը: Այդ պատճառով տուրիստական կազմակերպություններն արդեն հիմա կարող են իրենց փաթեթներում ուղեւորություններ ներառել այն վայրեր, որ մենք կնշենք: Մենք պատրաստ ենք նրանցից լսել ցանկացած առաջարկ՝ Երեւանում եւ մարզերում տուրիզմի համաչափ զարգացման շուրջ»,- նշել է Ամիրյանը: