Ընտրական օրենսգիրքն արտերկրում բնակվող հայերին քվեարկելու իրավունք չի տալիս: Հոկտեմբերի 28-ին Հայաստանի Ազգային ժողովում կայացած ավանդական ճեպազրույցների այս մասին հայտարարել է «Ժառանգություն» խմբակցության պատգամավոր Զարուհի Փոստանջյանը:
Նրա խոսքով, ընտրական համակարգը կլանային է մնացել՝ բաժանված 13 տարածքային վարչական շրջանների միջեւ, որոնցից յուրաքանչյուրում տեղական օլիգարխներն իշխանություններին կօգնեն մնալ:
«Որպեսզի ընտրությունները համազգային լինեն այդ բառի իսկական իմաստով, պետք է քվեարկեն նաեւ այն հայերը, որոնք բնակվում են Հայաստանի սահմաններից դուրս, խոշոր գաղութներում»,- հավելեց Փոստանջյանը՝ չպարզաբանելով, սակայն, թե այլ պետության քաղաքացի հայերը ինչու պետք է որեւէ առնչություն ունենան Հայաստանի ներքաղաքական գործընթացներին: