Մյանմարի իշխանությունները հայտարարել են, որ ստուգում են երկրի արեւմտյան ափերին օդանավի կործանման մասին տեղեկությունները, հայտնում է Reuters–ը։
«Միակ բանը, որ ես կարող եմ ասել, այն է, որ դա մեր տեղական ավիաընկերությունների օդանավը չէ, որքանով որ մենք կարող ենք հասկանալ ստուգումներից։ Մեր չվերթներից ոչ մեկը խնդիրներ չի ունեցել։ Մենք փորձում ենք կործանված օդանավի մասին տեղեկություններ ստանալ»,– ասել է քաղավիացիայի վարչության ներկայացուցիչ Տին Մաուն Նին։
Գործակալությունը հայտնում է, որ Մյանմարի իշխանությունները տեղեկություններ են ստացել այն մասին, որ երկրի ափերին ավիավթար է տեղի ունեցել։ Այդ տեղեկությունը ստուգելու համար ենթադրյալ միջադեպի վայր են ուղարկել քաղավիացիայի վարչության աշխատակիցների։