Ռուսաստանի, Սիրիայի եւ Իրանի արտգործնախարարները պայմանավորվել են շարունակել աշխատանքը եռակողմ ձեւաչափով, որն ապացուցել է իր արդյունավետությունը։ Այս մասին ասել է ՌԴ արտգործնախարար Սերգեյ Լավրովը, փոխանցում է «ՌԻԱ Նովոստի»–ն։
«Ես կարծում եմ, որ մեր հագեցած օրակարգն այսօր թույլ է տվել քննարկել ամենակարեւոր հարցերը եւ Ռուսաստանի եւ Իրանի, Ռուսաստանի եւ Սիրիայի միջեւ երկկողմ հարաբերությունները եւ Սիրիայի խնդրի կարգավորման արդիական հարցերը։ Շնորհակալ եմ գործընկերներիս Մոսկվա ժամանելու համար եւ կարծում եմ, որ այդ ձեւաչափն ապացուցել է իր պահանջարկը»,– ասել է Լավրովը։