ԱՊՀ երկրների վարչապետները պայմանավորվել են համագործակցել ավտոմոբիլային շինարարության եւ լեռնամետալուրգիայի ոլորտներում։ Այս մասին ասել է ԱՊՀ գործկոմի ղեկավար Սերգեյ Լեբեդեւը, փոխանցում է «ՌԻԱ Նովոստի»–ն։
«Ստորագրվել են կարեւոր համաձայնագրեր ԱՊՀ տարածքում տնտեսության ոլորտում համագործակցության խորացման մասին։ Դա վերաբերում է լեռնամետալուրգիական եւ մեքենաշինության ոլորտում համագործակցությանը»,– ասել է Լեբեդեւը ԱՊՀ վարչապետերի խորհրդի նիստին։
Նա նշել է, որ օրակարգում կա ավելի քան 20 հարց, որոնք գերազանցապես նվիրված են տնտեսական ոլորտում համագործակցության ամրացմանը։
Մինսկում ստորագրված փաստաթղթերը ուժի մեջ են մինչեւ 2025 թվականը, իսկ էներգառեսուրսների արտադրության եւ սպառման կանխատեսումը՝ մինչեւ 2030 թվականը։