Ակտիվ քաղաքականություն Գագիկ Ծառուկյանի վերադարձը չի համաձայնեցվել Հայ հեղափոխական դաշնակցություն կուսակցության հետ: Այս մասին հոկտեմբերի 28-ին՝ ԱԺ-ում ավանդական ճեպազրույցների ժամանակ հայտարարել է Դաշնակցություն խմբակցության ղեկավար Արմեն Ռուստամյանը:
Ի պատասխան հարցին՝ Ծառուկյանի վերադարձը համաձայնեցվա՞ծ է իշխանությունների հետ, Արմեն Ռուստամյանը նշել է. «Նրա վերադարձը մեզ հետ համաձայնեցՄած չէ: Եվ այն համաձայնեցնելու ի՞նչ անհրաժեշտություն կար: Մարդն ազատ է, իր կյանքն ինքնուրույն է տնօրինում: Դա նորմալ է»:
Հիշեցնենք, որ «Բարգավաճ Հայաստան» կուսակցության նախկին առաջնորդ Գագիկ Ծառուկյանը, որն անցյալ տարի քաղաքականությունից հեռացավ նախագահ Սերժ Սարգսյանի խիստ քննադատությունից հետո, չի բացառել քաղաքական դաշտ ակտիվ գործունեության իր վերադարձի հնարավորությունը: ՀՅԴ-ն իշխող Հանրապետական կուսակցությանը կապված է քաղաքական համաձայնագրով եւ մտնում է կառավարության մեջ: