Եթե հանկարծ ինչ–որ պատճառով ընտրատեղամասերում տեսախցիկների չտեղադրվեն, բնականաբար կհայտնվեն բոլոր հիմքերը Հայաստանում կայանալիք խորհրդարանական ընտրությունները կասկածելի համարելու համար։ Այս մասին հոկտեմբերի 28-ին՝ խորհրդարանական ճեպազրույցների ժամանակ, ասել է ՀԱԿ խմբակցության ղեկավար Լեւոն Զուրաբյանը։

Զուրաբյանը նշեց, որ տեղեկություններ կան, որ որոշ ուժեր ուզում են տապալել Ընտրական օրենսգրքի շուրջ պայմանավորվածությունը։ «Տեսախցիկների տեղադրումը մեր համաձայնության անբաժան մասն է։ Եթե ինչ–որ պատճառով ընտրատեղամասերում տեսախցիկների չտեղադրվեն, բնականաբար կհայտնվեն բոլոր հիմքերը Հայաստանում կայանալիք խորհրդարանական ընտրությունները կասկածելի համարելու համար։ Մենք չենք կատակում, մեր խոսքն ու ստորագրությունը կշիռ ունեն։ Եվ դա մենք ակնկալում ենք փաստաթուղթը ստորագրած բոլոր ուժերից»,– նշել է Զուրաբյանը։