«Սասնա ծռեր» խմբի աջակիցներն այսօր՝ հոկտեմբերի 28-ին, դիմում-նամակ հանձնեցին ՀՀ մարու իրավունքների պաշտպանի գրասենյակ: NEWS.am-ի թղթակիցն հաղորդում է , որ ակցիայի մասնակիցները Ազատության հրապարակից երթով շարժվեցին գրասենյակ, որտեղ նրանց ընդունեց մարդու իրավուքնների պաշտպանի մամուլի խոսնակ Զոհրաբ Եգանյանը:
«Սասնա ծռեր» խմբի աջակիցներն ու հարազատները մարդու իրավունքների պաշտպանից պահանջում են աջակցել խմբի անդամների հետ տեսակցությունների կազմակերպմանը նաեւ նրանց ազատ արձակման հարցում:
Դեպի ՄԻՊ գրասենյակ երթին ներկա էր նաեւ ԱԺ «Ժառանգություն» խմբակցության պատգամավոր Զարուհի Փոստանջյանը: Լրագրողների հետ զրույցում նա նշեց, որ շարունակվելու է պայքարը՝ «Սասնա ծռեր» խմբի անդամներին եւ քաղբանտարկյալներին ազատ արձակելու ուղղությամբ. «Պետք է ամեն օր հավաքվել եւ պայքարել, թող ոչ ոք չմտածի, որ չենք պահանջելու խմբի անդամների ազատ արձակումը: Ամեն օրյա ակցիաներով պետք է հասնել նրանց ազատ արձակմանը»,-ասաց նա:
Նշենք, որ խմբի աջակիցները նաեւ ստորագրահավաք են սկսել՝ «Սասնա ծռեր» խմբի անդամների եւ հարազատների տեսակցությունը թույլ տալու պահանջով:
.jpg)
