Էներգահամակարգում տեղի ունեցած վթարի պատճառով Տաջիկստանի տարածքի գրեթե 90 տոկոսը մնացել է առանց էլեկտրականության, հայտնում է «ՌԻԱ Նովոստին»։
Վթարի պատճառները դեռ հայտնի չեն։ Նախնական տվյալներով անսարքություններ են եղել Նուրեքի ՀԷԿ-ում, մայրաքաղաք Դուշանբեից 100 կմ արեւելք։
Տեղի բնակիչները հայտնել են, որ մեկ ակնթարթում հոսանքազրկվել են բնակելի տներն ու հաստատությունները, փողոցային լուսավորությունը, ճանապարհների լուսացույցները ու նույնիսկ հեռուստատեսային աշտարակը։
Որոշ օբյեկտներ՝ այդ թվում հիվանդանոցներն ու հյորանոցները անցել են ավտոնոմ էլեկտրասնուցման։
Էլեկտրականության համատարած անջատման մասին որեւէ նախազգուշացում չի եղել։ Ոմանք ենթադրում են, որ այդ անջատումը կարող է կապ ունենալ հոկտեմբերի 29-ին ծրագրված Վախշ գետի հունի փակման հետ, որն արվելու է Ռոգունի ՀԷԿ-ի ամբարտակի կառուցման համար։