ԵՄ-ն 2017-ի կեսերին Հայաստանում 25 մլն եվրոյի ներդրումային հիմնադրամ կբացի։ Այս մասին լրագորղներին հատնել է Հայաստանում ԵՄ պատվիրակությանն առընթեր համագործակցության բաժնի ղեկավար Խոա Բին Աճեմյանը։
ԵՄ-ն կհատկացնի 15 մլն եվրո, Վերակառուցման ու զարգացման եվրոպական բանկը՝ եւս 5 մլն։ Եվ վերջապես եւս 5 մլն ԵՄ-ն մտադիր է ներգրավել այլ ներդրողներից։
«Կարծում եմ, մինչեւ 2017-ի ամառ մենք կհավաքենք անհրաժեշտ միջոցները ու կսկսենք ներդրողներ փնտրել»,- հայտնել է նա։
Երկարաժամկետ նպատակն է հիմնադրամի կապիտալը ավելացնել մինչեւ 50 մլն եվրո։
Հիմնադրամը ներդրումներ է անելու այն ձեռնարկությունների կապիտալում, որոնք ֆինանսավորման կարիք ունեն, բայց չեն կարողանում ստանալ այն՝ անբավարար գրավի, բարձր վարկային բեռի կամ որեւէ այլ պատճառով։
«ՄԵր նպատակն է օգնել նման ընկերություններին զարգանալ, ավելացնել արտահանումն ու աշխատատեղերը»,- հայտնել է Աճեմյանը
Ենթադրվում է, որ առաջիկա 5 տարիներին գործընկեր ընկերությունները կգնեն հիմնադրամի ներդրումները ու կվաճառեն դրանք բաժնետոմսերի փաթեթի տեսքով։ Դա կօգնի ստեղծել շրջանառության հիմնադրամ, որից կիրականացվեն հետագա ներդրումները։
Այս փուլում հիմնադրամը առաջարկվում է գործարկել 10-12 տարով։