Ռուսաստանի վարչապետ Վլադիմիր Պուտինը հոկտեմբերի 27-ին ժամանել է Ուկրաինա: Նա հանդիպումներ է ունեցել իր ուկրաինացի գործընկեր Նիկոլայ Ազարովի հետ: Այցի արդյունքներով մի քանի համաձայնագիր է ստորագրվել ավիա- եւ նավաշինարարության ու գազի առաքման ոլորտներում:
Սակայն ամենեւին էլ այդ տնտեսական հարցերը չեն եղել մամուլի քննարկման առարկան:
Ուկրաինացի լրագրողները մեծ կապտուկ են նկատել Ռուսաստանի վարչապետի դեմքին, որը ծածկված էր «վատ թաքցված գրիմի տակ»: Լրագրողները նշել են, որ նախկինում վարչապետը նման դիմահարդարում չի արել: Պուտինը չէր ժպտում, չէր կատակում, քիչ խոսում էր, իսկ վերջում էլ գնաց տուն՝ չմնալով ընթրիքի:
Հատկանշական է, որ ռուսաստանցի լրագրողները Պուտինի դեմքին նման արմատական փոփոխություններ չեն նկատել:
