ԱՄՆ-ում հայկական սփյուռքի առավել ակտիվ կազմակերպության՝ Ամերիկայի հայկական ազգային կոմիտեի կայքը հարձակման է ենթարկվել թուրք հաքերների կողմից դեկտեմբերի 29-ի գիշերը:
Թուրքական դրոշն ու «ի պաշտպանություն Թուրքիայի» հաղորդագրությունը բեռնվել է կայքի գլխավոր էջ, եւ միայն մի քանի ժամ անց ծրագրավորողներին հաջողվել է կարգավորել ANCA-ի կայքը:
Ինչպես հաղորդում է թուրքական Sabah-ը, թուրք համակարգչահենների ակցիան պատասխան էր ANCA-ի քաղաքականությանը՝ միտված Հայոց ցեղասպանության միջազգային ճանաչմանը:
Թուրք հաքերները պաշտպանության խոսքեր են գրել NBA-ի աստղ Քոբի Բրայանի օգտին: Նշենք, որ ԱՄՆ-ի հայ հանրությունը մեղադրել էր Քոբի Բրայանին, երբ վերջինս համաձայնել էր մասնակցել թուրքական ավիաուղիների գովազդային արշավին:
