News
Լրահոս
News
Հինգշաբթի
Մարտ 28
Տեսնել լրահոսը

Երեւանի ֆիզիկայի ինստիտուտի պրոֆեսոր Վահագն Գուրզադյանը եւ Օքսֆորդի համալսարանի պրոֆեսոր Ռոջեր Պենրոուզը վերջերս հրապարակել են ուսումնասիրություն՝ Մեծ Պայթյունին նախորդած հնարավոր փուլի վերաբերյալ, որին արդեն անդրադարձել են տարբեր լրատվամիջոցներ` BBC, New York Times, The Economist եւ այլն։

Սըր Պենրոուզը ժամանակակից գիտության դասական դեմքերից է, հանրահայտ մենագրությունների հեղինակ, զարգացրել է տեսություն, որը նաեւ կանխատեսում է երեւույթներ Մեծ Պայթյունին նախորդած փուլերում: Մեծ Պայթյունը մեր Տիեզերքի առաջացման այսօրվա ընդունված տեսությունն է:

Այդ ուսումնասիրությունը երկու գիտնականները կատարել են հիմնվելով Wilkinson Microwave Anisotropy Probe (NASA) արբանյակի միջոցով ստացված տվյալների վերլուծության վրա։ Մեծ Պայթյունին նախորդած հնարավոր երւեույթների նման հետազոտումը դիտողական տվյալների միջոցով կատարվում է առաջին անգամ:

Գուրզադյանը եւ իր գործընկերները առաջ են քաշել Տիեզերական մնացորդային ճառագայթման նոր բնութագրիչ: Հայտնի է, որ այդ ճառագայթումը բնութագրվում է 3K ջերմաստիճանի Պլանկյան սպեկտրով եւ 10-5 անիզոտրոպիայով։ Վերջինս հայտագործվել է COBE (NASA) արբանյակի միջոցով (Նոբելյան մրցանակ, 2006թ.): Այդ բնութագրիչները բացահայտել են վաղ Տիեզերքի գլխավոր հատկությունները` տաք եւ հավասարակշիռ վիճակը եւ իզոտրոպությունը:

Գուրզադյանի խումբը, դիտելով մնացորդային ճառագայթումը որպես քաոսային եւ կանոնավոր ազդանշանների համախումբ, կարողացել է ապացուցել, որ պատահական ազդանշանի ներդրումը ընդամենը 20 տոկոս է: Այսպիսով, մեր Տիեզերքը մասնակիորեն է պատահական:

Նոր բնութագիրը կարեւոր է վաղ Տիեզերքի մասին տեսական պատկերացումների զարգացման համար: Հոդվածը հրատարակվել է եվրոպական Astronomy & Astrophysics (Letters) ամսագրի 2011 թ. հունվարի համարում:

Նկարում. Վ. Գուրզադյան եւ Ռ. Պենրոուզ.

Նկարի հեղինակային իրավունքը՝ Վ. Գուրզադյանի եւ Ռ. Պենրոուզի

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Fastex-ը շարունակում է Web3 տեղեկատվական հանդիպումների շարքը Հայաստանի բլոկչեյն էմբասիում (ֆոտո)
Հիմնական թեման ապակենտրոնացված հավելվածներն էին (dApps), կրիպտոարժույթները, բլոկչեյն էկոհամակարգն ու դրա հիմքերը..
Թրամփի սոցցանցի գինը աճուրդի առաջին իսկ օրը հասել է 9 մլրդ դոլարի
Սա Թրամփի կողմնակիցների խանդավառության նշան է...
Գիտնականներբ արհեստական բանականության կիրառմամբ բարելավել են գարեջրի համը
արհեստական ​​ բանականությունը կարող է օգնել բացահայտելու մարդու՝ բույրի ընկալման հետ կապված բարդ հարաբերությունները․․․
Bloomberg. Starlink տերմինալները անօրինական կերպով վաճառվում են սև շուկայում
Դրանց մաքսանենգության ձևը, ինչպես նաև Starlink-ի ակնհայտ առկայությունը սև շուկայում ցույց են տալիս, որ...
ITHome. Չինաստանում փորձարկել են 10G արագությամբ ամենաարագ շարժական ինտերնետը
Օգտվելով նման ինտերնետից, կարելի է 8K լուծաչափով, 90 ԳԲ ծավալով երկու ժամանոց ֆիլմը  ներբեռնել ընդամենը 72 վայրկյանում
Իսպանիայի Գերագույն դատարանը դադարեցրել է Telegram-ի գործունեությունը երկրում
Telegram-ը չորրորդ ամենահայտնի մեսենջերն է Իսպանիայում
Ամենաշատ