Ֆրանսիայի նախագահ Նիկոլա Սարկոզին ձախողված է համարել բազմամշակութայնության քաղաքականությունը, որն ուղղված է Ֆրանսիայում մշակութային եւ կրոնական բազմազանության պահպանմանը։
«Այո, սա ձախողում է»,- ասել է Սարկոզին՝ TF1 թոք-շոուներից մեկի ժամանակ պատասխանելով բազմամշակութայնություն ձախողման մասին հարցին։
Նրա կարծիքով, ինտեգրացիայի ֆրանսիական համակարգն անարդյունավետ է։
Սարկոզին ընդգծել է, որ պետք է հարգել մշակութային բազմազանությունը։ Նրա խոսքով, սակայն, ներգաղթյալները պետք է ֆրանսիական հասարակության մասը դառնան եւ հարգեն տեղի կենցաղը։ Նրանք, ովքեր դա չեն ցանկանում, Ֆրանսիայում չեն սպասում։
2010 թվականի հոտեմբերին բազմամշակութայնության քաղաքականության լիակատար ձախողման մասին Գերմանիայում հայտարարել էր այդ երկրի կանցլեր Անգելա Մերկելը։ Փետրվարի վերջին նմանօրինակ հայտարարությամբ հանդես էր եկել Մեծ Բրիտանիայի վարչապետ Դեվիդ Քեմերոնը: