ՆԱՏՕ-ի օդուժը կրկին ռմբակոծել է Լիբիայի նախագահ Մուամար Քադաֆիի՝ Տրիպոլիում գտնվող նստավայրը։ Քաղաքում հզոր պայթյուններ են լսվում, հայտնում է Europe1 ռադիոկայանը։ Մանրամասներ չեն հաղորդվում։
Նշենք, որ Քադաֆիի նստավայրը մշտապես ռմբակոծությունների է ենթարկվում։ Այսպես, մայիսի 1-ի գիշերը ՆԱՏՕ-ի հարվածների արդյունքում սպանվել էին Քադաֆիի երեք թոռները եւ նրա որդին՝ Սեյֆ ալ-Արաբը։
2011 թվականի փետրվարին Լիբիայում երկրի ղեկավար Քադաֆիի վարչակազմի դեմ բողոքի զանգվածային ակցիաներ էին սկսվել, որոնք վերաճել էին քաղաքացիական պատերազմի։