Տրապիզոնի երկրորդ քրեական դատարանը հունիսի 2-ին 8 ամբաստանյալներից 6-ին դատապարտել էր հանցավոր անփութության մեջ` հայազգի լրագրող Հրանտ Դինքի սպանությունը կանխել չկարողանալու համար, եւ դա բավական դրական զարգացում է դատական գործընթացի սկզբից 4 տարի անց: Այդ մասին գրում է թուրքական «Today’s Zaman»-ը:
Դինքի ընտանիքի փաստաբան Էրղին Ջինմենն ասել է, որ թեեւ այդ որոշումը կարելի է միայն ողջունել, քիչ հավանական է, որ այն հեղափոխական ազդեցություն ունենա Ստամբուլում ընթացող սպանության գործով դատավարության վրա:
«Գնդապետ Ալի Օզն ու նրա ընկերները պետք է կանգնեին Ստամբուլի դատարանի առջեւ որպես հիմնական կասկածյալներ»,- ասել է փաստաբանը` միեւնույն ժամանակ դրական գնահատել, որ ոստիկանները բանտարկվելու են, թեկուզ կարճ ժամկետով: Նա մտահոգություն է հայտնել, որ Գերագույն վերաքննիչ դատարանը կարող է բեկանել վճիռը:
