Երեւանում հունիսի 4-ին ժամը 23:55-ի սահմաններում նոր Նորքի վարչական շրջանում տեղի է ունեցել խոշոր ավտովթար (ֆոտոռեպորտաժ):
Ինչպես NEWS.am-ին հայտնում է ֆոտոլրագրող Գագիկ Շամշյանը, Գայի պողոտայի եւ Մոլդովական փողոցների խաչմերուկում 22-ամյա Ղարիբ Մանուկյանը` վարելով «Մերսեդես Բենց» մակնիշի 26 ՕՍ 122 համարանիշի ավտոմեքենան, բախվել է 29-ամյա Գեւորգ Միրաքյանի վարած «ՎԱԶ-2107» մակնիշի 61 ՕՕ 997 համարանիշի ավտոմեքենային:
Վթարի հետեւանքով, երկու վարորդներն ու ուղեւորներ 28-ամյա Միքայել Մանասյանը, 50-ամյա Սամվել Գեւորգյանը, 22-ամյա Արայիկ Ենգոյանը եւ 20-ամյա Կարեն Կարապետյանը մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն:
Վիրավորներին ավտոմեքենաներից դուրս բերելու համար դեպքի վայր են ժամանել ԱԻՆ Հայաստանի փրկարար ծառայության Երեւանի փրկարարական վարչության 3 մարտական հաշվարկ: Դեպքի վայրեն ժամանել նաեւ շտապօգոնթւայն 4 ավտոմեքենաներ, որոնք վիարվորներին տեղափոխել են հիվանդանոց:
Դեպքի վայրում են եղել Երեւանի ճանապարհային ոստիկանության աշխատակիցները` Երեւանի ՃՈ պետ Արսեն Մարդոյանի գլխավորությամբ:
Վթարի վայրում աշխատանքներ են իրականացրել ոստիկանության Նոր Նորքի բաժնի աշխատակիցները` Նոր Նորքի բաժնի փոխոստիկանապետ Վալերի Բաղյանի գլխավորությամբ: Քննչական աշխատանքները վթարի վայրում ղեկավարել է ոստիկանության քննչական գլխավոր վարչության Երեւանի քննչական վարչության ճանապարհատրանսպորտային հանցագործությունների քննության բաժնի քննիչ Դավիթ Մարտիրոսյանը: Նրա հանձնարարականով մեքեանները տեղափոխվել են Երեւանի ՃՈ տուգանային հրապարակ: ՃՏՀ քննության բաժնում նյութեր են նախապատրաստվում:
Լուսանկարները եւ տեսանյութը՝ Գագիկ Շամշյանի