Հունիսի 10-15-ին Վրաստան կայցելի Ամենայն հայոց կաթողիկոս Գարեգին Բ-ն: Ինչպես հայտնում է Վրաստանի պատրիարքությունը, հունիսի 11-ին Գարեգին Բ-ն կհանդիպի վրաց պատրիարք Իլյա 2-րդի հետ: Այցի շրջանակներում քննարկվելու են հայ եւ վրաց եկեղեցիների հարաբերությունները:
Հայոց կաթողիկոսն այցելելու է Վրաստանի հայաբնակ Ջավախք տարածաշրջան:
Կաթողիկոսն իր այցի ընթացքում բարձրացնելու է եկեղեցիների հարցը, որը վեճի առարկա է Վրաստանի եւ Հայաստանի միջեւ, նաեւ Վրաստանում հայկական եկեղեցուն իրավաբանական կարգավիճակ տալու հարցը:
Այցի կապակցությամբ վրացական լրատվամիջոցները նշում են, որ 1894-ից հետո որեւէ հայ կաթողիկոս չի այցելել Վրաստան: