Երեւանի մամուլի ակումբի 16-ամյակի կապակցությամբ, այսօր` հուլիսի 18-ին տեղի է ունեցել ԵՄԱ-ի ամենամյա մրցանակաբաշխությունը:
Մրցանակներ են ստացել «Առավոտ» օրաթերթի լրագրող Աննա Իսրայելյանը` 2010-ին հեռուստալիցենզավորման մրցույթների մասին հետաքննչական հոդվածաշարի համար,
«Առավոտ» օրաթերթի լրագրող Մարգարիտ Եսայանը` Ռաֆայել Բազիկյանի գրական ժառանգությունը ընթերցող հասարակությանը հասցնելու համար։
«Ազատություն» ռադիոկայանի խմբագիր Արթուր Պապյանը` այլընտրանքային լրատվամիջոցների զարգացման համար:
Մրցանակի է արժանացել նաեւ «Շողակաթ» հեռուստաընկերության «3-րդ հազարամյակ» հաղորդաշարը, նաեւ դրա հեղինակներ Արա Շիրինյանն ու Աննա Սարգսյանը: