ԵրեքշաբթիՀուլիս 29
  • USD 406.97
  • EUR 550.63
  • RUB 11.63

Հայաստանում չինարեն կսովորեցնեն

10:28, 23.07.2011 Տարածաշրջան: Աշխարհում, Հայաստան Թեմա: Հասարակություն

Հայաստանի կրթության եւ գիտության նախարար Արմեն Աշոտյանը հուլիսի 22-ին հանդիպում է ունեցել Հայաստանում Չինաստանի ժողովրդական հանրապետության արտակարգ եւ լիազոր դեսպան Թիան Չանչունի հետ:

Ինչպես NEWS.am-ին  հայտնեցին ՀՀ կրթության եւ գիտության նախարարության հասարակայնության հետ կապերի եւ տեղեկատվության վարչությունից, նախարարը տեղեկացրել է, որ վերջին երկու տարիների ընթացքում մեծ աշխատանք է կատարվել դպրոցների համակարգչային վերազինման ուղղությամբ եւ աշակերտ-համակարգիչ հարաբերակցությունն այսօր մոտ է եվրոպական երկրների միջինացված ցուցանիշին: Նախարարը միաժամանակ նշել է, որ ՉԺՀ աջակցությամբ ավագ դպրոցների համակարգչային վերազինումը էական ազդեցություն կարող է ունենալ կրթության որակի ապահովման գործընթացում:

Կրթության ոլորտում համագործակցության ընդլայնման համատեքստում նախարարը եւ դեսպանը քննարկել են Կոնֆուցիուսի ինստիտուտի եւս մեկ մասնաճյուղ Երեւանի պետական համալսարանում բացելու հնարավորությունը, ինչպես նաեւ Երեւանի ավագ դպրոցներից մեկում չինարենի խորացված ուսուցում կազմակերպելու հարցը:

Աշոտյանը տեղեկացրել է, որ օգոստոսին Չինաստանի Շենժեն քաղաքում կայանալիք ուսանողական համաշխարհային 26-րդ ունիվերսիադային Հայաստանը կմասնակցի պաշտոնական բարձր մակարդակով եւ նշել է, որ ուսանողական ֆեդերացիայի ձեւավորած թիմը լավ պատրաստված է ներկայանում մրցումներին: Նա հույս է հայտնել, որ Շենժենում հայ ուսանող-մարզիկները կունենան մեծ հաջողություններ, մասնավորապես շախմատ ու թեքվանդո մարզաձեւերում:

Լուրեր Հայաստանից - NEWS.am

Այս թեմայով

«SOS Սեւան»-ի անդամը կոչ է անում ոտքի կանգնել` պաշտպանելու Սեւանա լիճը

Կողբանք ազգովի մեր գեղեցկուհու համար, բայց ուշ կլինի, անվերադարձ կկորցնենք այն, ինչը կերակրել պահել եւ փայփայել է մեզ` չպահանջելով մեզանից ոչինչ…

«Բանավեճի ակումբը» ամփոփել է երկրորդ տարեշրջանի առաջին խաղափուլը

Կազմակերպիչները վստահ են, որ աստիճանաբար ավելի ու ավելի հանրայնացող «Բանավեճի ակումբը» կայացող հարթակ է երիտասարդների համար…

«Ժողովուրդ». Հեռանում է նաեւ «Վիտամինի» Վաչե՞ն

Մեր երկրում առկա հուսալքության մթնոլորտը, բարեկեցիկ ապագոյի նկատմամբ հավատի նվազումն ու պրոֆեսիոնալիզմի չգնահատվածությունը ստիպում են ՀՀ քաղաքացիներին «լավ ապրելու» շանսեր փնտրել արտերկրում...

Իրավապաշտպաններ. ՊՆ-ն շարունակում է առողջական խնդիրներով անձանց զորակոչը

Այս զինվորներից շատերը իրենց ողջ ծառայությունը կամ ծառայության մեծ մասը լինում են զինվորական հոսպիտալներում...