2012 թ. հունվարից գործարարները պետական գնումներին կարող են մասնակցել էլեկտրոնային եղանակով: Այդ մասին այսօր` նոյեմբերի 14-ին, լրագրողների հետ հանդիպման ժամանակ հայտարարեց ՀՀ ֆինանսների նախարար Վաչե Գաբրիելյանը:
Պետական գնումներն, ըստ նախարարի, հնարավորություն են տալիս վերացնել կոռուպցիան, նվազագույնի են հասցնում չինովնիկների միջամտությունը գնումների գործընթացին:
Էապես կնվազի թղթատարությունը, սակայն Վ. Գաբրիելյանը նշեց, որ բոլոր գործարար առաջարկները պետք է գրանցվեն ֆինանսների նախարարության գնումների աջակցման կենտրոնում: Դա, փաստորեն, միակ «թղթային» պահանջն է:
Նշենք, որ կառավարությունը Հայաստանի ամենախոշոր գնորդն է` պետական գնումների տարեկան ծավալը մոտ 450 մլրդ դրամ է, կամ բյուջեի ծախսերի մոտ 45 տոկոսը: