Բյուջեի ավելացման աղբյուրները բազմաթիվ են եւ առերեւույթ: Այս մասին այսօր` նոյեմբերի 15-ին, ԱԺ ամբիոնից հայտարարել է ընդդիմադիր «Ժառանգություն» խմբակցության պատգամավոր Լարիսա Ալավերդյանը:
«Ժառանգություն» խմբակցությունը տարիներ շարունակ ներկայացնում է օրենսդրական նախաձեռնություններ եւ առաջարկներ, որոնց ընդունումն ու իրականացումը կբերի այնպիսի բյուջեի ձեւավորմանը, որը կնպաստի օլիգարխիկ համակարգի արմատախիլ անելուն եւ մարդակենտրոն քաղաքական համակարգ ստեղծելուն»,- ասել է պատգամավորը:
Նրա խոսքով, օլիգարխոպոլիան երկրում վերարտադրվում է միայն հայրենի կառավարության «գուրգուրանքի» շնորհիվ, օրից օր հարստացնելով բնակչության 1 տոկոսից պակաս մարդկանց խումբը` ի հաշիվ ժողովրդի 99 տոկոսի աղքատացման:
