Շիրակի մարզի Ջրառատ համայնքի բնակիչ, գյուղի դպրոցի ուսուցիչ, 43-ամյա Անուշավան Դարբինյանին, նոյեմբերի 16-ի վաղ առավոտյան գտել են իր տանը` կախված վիճակում:
Համագյուղացիների վստահեցմամբ, նույն օրը գիշերը, ժամը 02:00-ի սահմաններում, նա իր տանն ինքնասպան է եղել` կախվելու միջոցով:
Անուշավան Դարբինյանը, նախքան դպրոցում աշխատելը, երկար տարիներ աշխատել է գյուղի տպարանում:
Նա Ջրառատ գյուղի դպրոցում դասավանդում էր «Աշխատանքի ուսուցում» առարկան:
Գյուղի բնակիչները NEWS.am-ի թղթակցի հետ զրույցում նշել են, որ 43-ամյա ուսուցիչը հարազատներին ու համագյուղացիներից որեւէ մեկին որեւէ բան չի ասել եւ բոլորն անակնկալի են եկել տեղի ունեցածից:
Ներկայումս ընթանում է նախաքննություն: