Արցախի հանրապետության նախագահ Բակո Սահակյանը, նոյեմբերի 22-ին, Լոս Անջելես քաղաքում հանդիպում է ունեցել ամերիկահայ գործարարներ եւ բարերարներ Իսակ Վարդանյանի եւ Գեւորգ Ոսկանյանի հետ:
ԼՂՀ նախագահի մամուլի գրասենյակից NEWS.am-ին հայտնում են, որ հանդիպմանը քննարկվել են Արցախում տարբեր ծրագրերի իրականացմանը վերաբերող հարցեր: Հատուկ ուշադրություն է դարձվել շինարարության ոլորտին եւ այս բնագավառում փոխգործակցության հաստատմանը:
Նախագահը երախտագիտություն է հայտնել բարերարներին մեր հանրապետությանը ցուցաբերվող աջակցության համար:
Հանդիպմանը մասնակցել են Արցախի թեմի առաջնորդ Պարգեւ արքեպիսկոպոս Մարտիրոսյանը, «Հայաստան» համահայկական հիմնադրամի գործադիր տնօրեն Արա Վարդանյանը, ԼՂՀ նախագահի աշխատակազմի տեղեկատվության գլխավոր վարչության պետ Դավիթ Բաբայանը, ԱՄՆ-ում եւ Կանադայում ԼՂՀ մշտական ներկայացուցիչ Ռոբերտ Ավետիսյանը, պաշտոնատար այլ անձինք:
