Հայաստանի պաշտպանության նախարարությունում, նոյեմբերի 25-ին, տեղի է ունեցել նախարարին կից կոլեգիայի նիստ, որի ընթացքում քննարկվել է ՀՀ զինված ուժերի զարգացման ընթացքը:
ՊՆ մամուլի ծառայությունից NEWS.am-ին հայտնում են, որ բացման խոսքով հանդես է եկել ՀՀ պաշտպանության նախարար Սեյրան Օհանյանը: Պաշտպանության նախարարի առաջին տեղակալ Դավիթ Տոնոյանը հիմնական զեկույցում ներկայացրել է Զինված ուժերի զարգացման ընթացքը` ՀՀ պաշտպանության ռազմավարական վերանայման արդյունքներով որդեգրված ուղեգծի համատեքստում: