Լոռիի մարզում, այսօր` դեկտեմբերի 7-ին, առավոտյան ժամը 11:41-ին Օձունի Սբ. Աստվածածում հնչել է 23 զանգ` ի հիշատակ տասնյակ հազարավոր անմեղ կյանքեր խլած ավերիչ երկրաշարժի 23-ամյակի, ինչից հետո եկեղեցում կատարվել է հոգեհանգստյան արարողություն:
Այնուհետեւ Օձունում տեղի է ունեցել մեծ քայլերթ` ի հիշատակ երկրաշարժի անմեղ զոհերի: Քայլերթին մասնակցել է մոտ 3500 մարդ: Նրանք ծաղկեպսակներ եւ ծաղիկներ են դրել երկրաշարժի զոհերին նվիրված խաչքարի մոտ:
