ԵրկուշաբթիՀուլիս 28
  • USD 406.97
  • EUR 550.63
  • RUB 11.63

Ի՞նչ է նորաձեւ 2012թ, ի՞նչ հագնել Ամանորին. Խորհուրդներ, միտումներ

02:15, 30.12.2011 Տարածաշրջան: Հայաստան Թեմա: Հասարակություն

2012թ նորաձեւության տենդենցները տարբեր են, այն թելադրում է տարբեր ճյուղեր եւ ամեն մեկը կկարողանա գտնել այն ամենը, ինչը ցանկանում է եւ իր ոճին համապատասխան է: Այս մասին NEWS.am-ի թղթակցի հետ զրույցում ասաց «Հարմոնիա» նորաձեւության տան գեղարվեստական ղեկավար, նկարիչ, մոդելավորող, դիզայներ Միկա Դանիելյանը: Նրա խոսքով` ակտուալ են  բոլոր վառ գույները` կարմիրը, կորալի երանգները,  ծովային բոլոր գույները` սկսած կապույտից, կանաչից, փիրուզից:

Նա խորհուրդ է տալիս այդ ամենն անպայման համադրել մետաղի հետ, նախընտրելի է, որ այն լինի վառ ոսկեգույն կամ արծաթե: Միկայի խոսքով` Ամանորի գիշերը խորհուրդ է տրվում կրել սեւ գույնի զգեստ ոսկեգույն զարդերով: «Նորաձեւությունը թելադրում է տարբեր բաներ, եւ ըստ նախընտրության` մարդ կարող է ընտրել բարձրակրունկ, բարձր ճիտքերով կոշիկներ, կարճ կամ երկար փեշ, որն արդեն երկու սեզոն է` պահպանվում է: Ռոմանտիկ կիսաշրջագեստներ են շատ ակտուալ, մի քանի շերտանի, շղարշից, մետաքսից»,- ասաց նա:

Դիզայները նշեց, որ շատ հայտնի դիզայներներ այս տարի օգտագործել են մեծ քանակությամբ կաշի, որը կարող է կիրառվել ինչպես պիջակների, այնպես էլ կիսաշրջագեստների մեջ: Պայուսակների մեջ պահպանվում են թե մեծ, թե փոքր տեսակները` կախված, թե ինչ ես կրում եւ որտեղ ես գնում: «Եթե մարդ կրում է երեկոյան կամ կոկտեյլային զգեստ, ապա հավանական է, որ կվերցնի կլաչ, եւ ինչքան  շատ վրան լինի մետաղ, այդքան նորաձեւ է այն»,- ասաց Միկան:

Հարցին, թե ի՞նչ կրեն տղամարդիկ Ամանորի գիշերը, դիզայները պատասխանեց,  որ դա կախված է նրանից, թե որտեղ են նրանք անցկացնում Ամանորը:  Օրինակ` ակումբում նրանք պետք է լինեն ակումբային ոճում, մասնավորապես` վելվետից, թավշյա կտորից պիջակներ, տրորված, ճմրթված ջինսերի հետ: Եթե տղամարդը Ամանորը նշելու է տանը, խորհուրդ է տրվում կրել գործված բլուզներ, որը կարելի է համադրել վելվետների եւ ջինսերի հետ: Միկայի խոսքով` ֆուրշետի կամ բանկետի մասնակցելու դեպքում` տղամարդը պետք է կրի ֆրակներ եւ սմոքինգներ: Խորհուրդ չի տրվում այդպիսի միջոցառումներին կրել խիստ գործնական ոճի կոստյում. «Մեզ մոտ շատ տղամարդիկ նույնիսկ օբյեկտ գնում են խիստ գործնական ոճի կոստյումներով, դա կարող է թողնել տպավորություն, որ նրանք ոչ թե եկել են Նոր տարի նշելու, այլ թիկնապահ են կամ դռնապահ»,- նշեց դիզայները:

Լուրեր Հայաստանից - NEWS.am

Այս թեմայով

Իրավապաշտպաններ. ՊՆ-ն շարունակում է առողջական խնդիրներով անձանց զորակոչը

Այս զինվորներից շատերը իրենց ողջ ծառայությունը կամ ծառայության մեծ մասը լինում են զինվորական հոսպիտալներում...

Վարդավառը կնշվի հուլիսի 27-ին, հաջորդ օրը մեռելոց է

Հիսուս Քրիստոսի Պայծառակերպությունը խորհրդաբանական առումով երկնքի եւ երկրի կապն է, ինչպես նաեւ Աստծո եւ մարդու կենդանի շփումը...

Օծություն Արարատի մարզի Նորաբաց գյուղի եկեղեցում

Այս եկեղեցին Աստծո տունն է, Աստծո հետ հանդիպելու վայրը, մարդկանց խղճի ձայնն է ու հոգու քնարը. մենք պետք է գանք այստեղ եւ մեր հոգիները բացենք Աստծո առաջ…

Ջուր չի լինելու Աջափնյակում

Ընկերությունը հայցում է սպառողների ներողամտությունը պատճառված անհանգստության եւ կանխավ շնորհակալություն հայտնում ըմբռնման համար…