Անկարայում վերջերս տեղի է ունեցել տարածաշրջանային զարգացումների գիտաժողով, որին մասնակցել է նաեւ «Այլընտրանք» հետազոտական կենտրոնի ղեկավար Թաթուլ Մանասերյանը: Գիտաժողովի ընթացքում քննարկվել են նաեւ հայ-թուրքական հարաբերությունների զարգացման հիմնախնդիրները:
Ըստ Թ. Մանասերյանի` Թուրքիայում կան առաջադեմ մտածող գիտնականներ, որոնք շահագրգռված են հայ-թուրքական հարաբերությունների զարգացմամբ եւ սահմանի բացմամբ: Պայմանավորվածություն է ձեռքբերվել հաջորդ գիտաժողովը Հայաստանում անցկացնել:
Թ. Մանասերյանի տեղեկացմամբ` Միջին Արեւելքի Անկարայի համալսարանն ունի 30 հազ. ուսանող, իսկ համալսարանի ՏՏ կենտրոնի հասույթը գերազանցում է Հայաստանի ողջ ՏՏ ոլորտի հասույթին:
