ԲՀԿ-ՀՀԿ միավորման գործընթացը նորմալ պրոցես է: Այդ մասին, այսօր` դեկտեմբերի 21-ին, լրագրողների հետ հանդիպման ժամանակ հայտարարեց Տրանսպորտի եւ կապի նախարար Մանուկ Վարդանյանը, ով ներկայացնում է ՕԵԿ կուսակցությունը:
«Ո՞նց կարելի է խանդել կամ ուրախանալ երկու տարբեր քաղաքական ուժերի միջեւ ընթացող երկխոսության առթիվ»,-նշեց նախարարը: Նրա խոսքով, 1-2 ամիս հետո հարաբերությունները կարող են ավելի ջերմ լինել, կարող են ավելի սրվել` կապված իրավիճակից: Այդ պատճառով, ըստ նախարարի, ցանկացած գործընթացի նկատմամբ պետք չէ ավելորդ հուզականություն դրսեւորել: