ՆԱՏՕ-ի ռադիոտեղորոշիչ համակարգը հաջորդ շաբաթ կտեղակայվի Թուրքիայի Մալաթիա քաղաքում գտնվող դաշինքի ռազմաբազայում: Այդ մասին հայտնել է թուրք բարձրաստիճան մի պաշտոնյա:
Ըստ նրա` ռադիոտեղորոշիչ համակարգը պաշտպանական է եւ ուղղված չի լինի որեւէ այլ պետության դեմ, հաղորդում է MIGnews-ը:
Հիշեցնենք, որ Թուրքիան եւ ԱՄՆ-ը սեպտեմբերին հուշագիր էին ստորագրել թուրքական տարածքում ԵվրոՀՀՊ ռադիոտեղորոշիչ համակարգ տեղակայելու վերաբերյալ:
Ռուսաստանի արտգործնախարար Սերգեյ Լավրովն ավելի վաղ հայտարարել էր, թե վերոնշյալ ռադարը վերահսկելու է Ռուսաստանի տարածքի զգալի մասը: