Դեպի Աֆղանստան ՆԱՏՕ-ի բեռնափոխադրումների ապահովման գործում Վրաստանին կփոխարինի Ադրբեջանը, գրում է վրացական «Մեդիանյուզ» գործակալությունը:
«Ադրբեջանը ՆԱՏՕ-ի կոալիցիոն ուժերի համար Եվրոպայից Աֆղանստան բեռներ տեղափոխելու համար փոխարինել է մեր` «Sky Georgia» ավիաընկերությանը»,-հայտարարել է ընկերության տնօրեն Գիորգի Կոդուան: Նրա խոսքով, վրացական ընկերությունում ստեղծվել էին որոշակի խնդիրներ եւ նրանց օգնության ձեռք է մեկնել Ադրբեջանը:
«Այժմ բեռնափոխադրումները տեղի են ունենում Ադրբեջանի դրոշի ներքո թռչող օդանավերով եւ կոմերցիոն շահը նույնպես Ադրբեջանինն է, իսկ Վրաստանի տնտեսությունը դրանից տուժում է»,-ընդգծել է ընկերության ղեկավարը: