Հայաստանի քաղաքական կուսակցությունները պետք է ավելի հրապարակային դարձնեն իրենց ֆինանսավորման աղբյուրները: Այդ մասին այսօր` դեկտեմբերի 28-ին, հայտարարեց ՀՀ վարչապետի օգնական Եղիշե Կիրակոսյանը: Նրա խոսքով` կոռուպցիայի դեմ պայքարի պետությունների հատուկ խումբը (GRECO) Հայաստանին առաջարկել է հատուկ ուշադրություն դարձնել քաղաքական կուսակցությունների ֆինանսավորման հարցին` կոռուպցիոն ռիսկերի նվազեցման առումով:
Ու թեեւ ընտրական օրնսգրքով կուսակցությունները պարտավոր են հրապարակել իրենց ֆինանսավորման աղբյուրները, Ե. Կիրակոսյանն ասաց, որ օրենքի ձեւակերպումների առումով կան անհստակություններ: Պատրաստվել է օրենսդրական փոփոխությունների փաթեթ, որն առաջիկայում կքննարկվի խորհրդարանում:
