Հայկական բանակի վերազինումը տեղի է ունենում ամեն օր: Այս մասին հունվարի 26-ի մամլո ասուլիսի ժամանակ հայտարարել է Հայաստանի Ազգային ժողովի պաշտպանության, ազգային անվտանգության եւ ներքին գործերի հարցերով մշտական հանձնաժողովի նախագահ Հրայր Կարապետյանը: Մամլո ասուլիսը նվիրված է Հայկական բանակի 20-ամյակին: Հայաստանում Բանակի օրը նշվում է հունվարի 28-ին:
Ըստ նրա` ստեղծված միջգերատեսչական հանձնաժողովն զբաղված է նոր տեխնոլոգիաների ներդրմամբ, որի վկայությունը սեպտեմբերի 21-ին տեղի ունեցած ռազմական շքերթի ժամանակ ցուցադրած հայրենական արտադրության անօդաչու թռչող սարքներն էին:
«Այլ երկրները, այդ թվում նաեւ մեր անմիջական հարեւանները, միլիոնավոր դոլարներ են անօդաչու թռչող սարքեր գնելու համար, մասնավորապես` իսրայելական արտադրության: Իսկ մենք ինքներս ենք այն արտադրում», - նշել է Հրայր Կարապետյանը:
