«Օրինաց երկրի» պատգամավոր Հովհաննես Մարգարյանը խորհրդարանի այսօրվա ճեպազրույցում իր կուսակցությունը «հայրենի օջախ» է անվանել: «Այդ կուսակցությունից է կախված իմ ապագան, եւ կուսակցության առաջնորդ Արթուր Բաղդասարյանին ես չեմ դավաճանի», - հավատացրել է նա:
Վերադառնալով հինգ տարվա վաղեմության խորհրդարանական ընտրություններին` նա նշել է, որ «կոպեկ էլ չի ծախսել իր մանդատի վրա»: «Կուսակցական ցուցակում ես 28-րդ տեղում էի, սակայն 12 մարդ հրաժարվեցին իրենց մանդատներից, եւ ես դարձա պատգամավոր»,– ասել է Մարգարյանը:
«Ես զինվոր եմ, անկախ այն բանից` պատգամավոր եմ ես, թե ոչ», – այդպես է նա մեկնաբանել այն լուրերը, թե «Օրինաց երկրի» առաջնորդ Բաղդասարյանը առաջարկել է նրան միտումնավոր «համր» տեղ կուսակցական ցուցակում` դրա փոխարեն խորհուրդ տալով թեկնածություն դնել մեծամասնական տարածքում:
