Vallex ընկերությունների խումբը Ղարաբաղում հետախուզում է Դրմբոն- Մեհմանայի հանաքավայրի տարածքը: Ինչպես NEWS.am-ին հայտնեցին Vallex group-ի հասարակայնության հետ կապերի բժնից, Մեհմանայի հանքավայրում մասնագետներն ուսումնասիրությունների երեք փուլ են իրականացրել` դեռեւս խորհրդային ժամանակաշրջանում ստացված տվյալների թարմացման նպատակով: Ներկայումս աշխատանքների արդյունքները համակարգվում են:
ԽՍՀՄ պահուստների պետական կոմիտեի 1959թ. տվյալներով`կապարի պաշարները կազմում են 36,8 հազ. տոննա, իսկ ցինկինը` 28,9 հազ. տոննա: Ինչպես նշվում է «ԼՂՀ հանքային ռեսուրներն ու երկրաբանությունը» գրքում (2011թ., Գրիգոր Գաբրիելյանցի եւ Ռուբեն Ջրբաշյանի խմբագրությամբ), այդ հանքավայրի հանքաքարերը հեշտ են հարստացվում: Հանքաքարի սովորական ֆլոտացիոն հարստացման դեպքում կարելի է ստանալ 60-70%-անոց կապարի եւ 50-58%-անոց ցինկի խտանյութ: