«Եվրատեսիլ-2012»-ին Մեծ Բրիտանիայից կմասնակցի բրիտանական բեմի վետերան, 75-ամյա Էնհելբերթ Համփերդինքը: Այս մասին հայտնել է BBC ընկերությունը, որը Մեծ Բրիտանիայում մրցույթի պաշտոնական հեռարձակողն է:
Մայիսի 26-ին Բաքվում հնչելիք երգը դեռեւս չի հրապարակվում, հայտնի է միայն, որ այն գրել են հայտնի երաժիշտներ Մարտին Թերեֆեն եւ Սաշա Սքարբեքը: Երգը ձայնագրվել է Լոնդոնում, Լոս Անջելեսում եւ Նեշվիլում (ԱՄՆ):
45 տարվա ստեղծագործական ուղի անցած երգիչն իր համար պատիվ է համարել «Եվրատեսիլ-2012» մրցույթին մասնակցելը:
Նրա հայտնի բեմական կերպարներից մեկը ժամանակին վերցրել էր Էլվիս Փրեսլին, իսկ Ջիմի Հենդրիքսն որոշ ժամանակ ելույթ էր ունենում Համփերդինքի հետ` որպես կիթառահար:
Իր կարիերայի ընթացքում երգչի ձայնագրությունները տարածվել են ամբողջ աշխարհով` 150 միլիոն օրինակով, իսկ նա անձամբ գրանցվել է Գինեսի ռեկորդների գրքում: Նա նույնիսկ բրիտանական հիթ շքերթների առաջին հորիզոնականներից իջեցրել է խմբի հայտնի Penny Lane երգը եւ ձայնագրել «Ճայ լեզբուհի» ստեղծագործությունը հայտնի «Բիվիս եւ Բաթհեդ» մուլտֆիլմի համար:
Համփերդինքը շարունակում է ակտիվ սեղծագործական կարիերան: Միայն վերջին մի քանի ամիսներին նա հասցրել է ելույթ ունենալ Ռուսաստանում, Ռումինիայում, Իսրայելում, Բելգիայում եւ Նիդեռլանդներում, գրում է «ՌԻԱ Նովոստին»: