Աննդամթերքի ոլորտում համաշխարհային առաջատար շվեյցարական Nestle ընկերությունը դադարեցրել է արտադրանքի մատակարարումն Ադրբեջան: Նման անսպասելի քայլի պատճառը կոռուպցիայի փաստերի բացահայտումն է տեղական առաքող կազմակերպության եւ Ադրբեջանի մաքսային մարմինների միջեւ:
Կոռուպցիայի փաստերը բացահայտվել են տեղական «Aylin» առաքող կազմակերպությունում վերջերս իրականացված տարածաշրջանային աուդիտի արդյունքում: Իմանալով համակարգային կոռուպցիայի մասին` Nestle-ի կենտրոնական գրասենյակը որոշել է խզել առեւտրային բոլոր հարաբերությունները Ադրբեջանի հետ: Այդ մասին «Turan» գործակալությանն ասել է տեղեկացված աղբյուրը:
Այսպիսով` առաջիկայում Nestle-ի արտադրանքը կանհետա ադրբեջանական խանութներից:
Հաղորդվում է, որ Ադրբեջանում գրեթե բոլոր տնտեսվարողներին ստիպում են աշխատել կրկնակի հաշվապահության սկզբունքով, որը թույլ է տալիս խուսափել պաշտոնական հարկային վճարներից եւ թաքնված գումարներ փոխանցել երկրի տնտեսությունն ու քաղաքական համակարգը վերահսկող բարձրաստիճան անձանց հաշիվներին: