Հայաստանի Ազգային ժողովի փոխնախագահ Էդուարդ Շարմազանովը այսօր` մարտի 3-ին Սանկտ Պետերբուրգում մասնակցել է ԱՊՀ-ի միջխորհրդարանական վեհաժողովի խորհրդակցությանը: Նույն օրը տեղի է ունեցել Ազգային ժողովի փոխխոսնակի եւ Ռուսաստանի Պետդումայի նախագահ Սերգեյ Նարիշկինի առանձնազրույցը:
Հայաստանի ԱԺ լրատվական ծառայությունից հայտնում են, թե հանդիպման ժամանակ Շարմազանովը նշել է, որ Հայաստանը շահագրգռված է Ռուսաստանում արդար, ժողովրդավարական եւ միջազգային չափանիշներին համապատասխանող ընտրությունների անցկացմամբ: Կողմերը կարեւորել են հայ - ռուսական ռազմավարական գործընկերությունը եւ երկու խորհրդարանների միջեւ համագործակցությունը:
Հանդիպման վերջում Ազգային ժողովի փոխխոսնակը Պետդումայի նախագահին նվիրել է հուշարձանագետ Սամվել Կարապետյանի «Памятники армянской культуры в зоне Нагорного Карабаха» գիրքը:
Հայաստանի Ազգային ժողովի փոխնախագահը Սանկտ Պետերբուրգում դիտորդական առաքելություն է իրանակացնելու վաղը Ռուսաստանում անցկացվելիք նախագահական ընտրություններում։